Proclamatie Prins Roel I
Foto: ZIPS fotografie
Moge weer uch väörstèlle, bie de gratie gekaoze door de drie wieze.
Alle Aesters en Aesterlingskes van Sjaelberg, Slek,’t Hènge en zeker van Pej, biegestange door Adjudant Funs, Vors Ton, Ambassadeur, Bestuur, lede vanne Raod van Èlf en de Hofkapel, zoawaor oze
66ste dooslustige Hoagheid, Prins Roel I, dae uch mit groate inzat en vol äövergave väör zal gaon in ’t Vastelaovesjaor 2019,
óngersteuntj door de muzikale klanke van oos eige ónvolpreze Hofkapel.
Prins Roel I
Waalgebaore Edelachbare Excellentie, mit gevolg ein
Majesteit, wonendj in Pej.
Is gebaore op 10 december 1970 op ’t Hoagveldj es zoon
van Joep en Mia v/d Ven.
Getrouwdj en woontj same mit Liesbeth oppe Aoj
Hoagveldjswaeg.
Is vader van drie kènjer, namelik Ties, Pieke en Sep.
Haetj nag twieë aojer zösters Peggy en Joyce.
Wirktj bie Hoveniersbedrief Frank van Kerkom.
Lid van de Echter Revue en duitj dao zènge bie ‘t koar.
Lid van v.c. Mesh, zanger bie de Paersstalzengers, de Neet
Nette Prinse en zanger bie de Jónges van de Zank Tribjoet
Bend,’t Sjlagerconcours en Fein op ‘t Plein.
Geitj gaer mitte fiets drop oet, es d’r mer zeker wètj det d’r
langs ein terras kömtj.
Geitj gaer op vakantie mitte vouwwage in Frankriek.
Ederein dae dit huuertj, zal laeze, verstange haetj en good
gevónje, det alles volges de regels en in ’t belang van eine
sjoane Vastelaovendj, mót weite det:
Ten 1e Det de Pejjer Vastelaovendj gevierdj weurtj
door de minse van de Slek, Sjaelberg, ‘t Hènge en Pej mit óngersteuning vanne ganse Vastelaovesvereniging De Aester Sjaelen Uul.
Ten 2e Det Prins Roel I de zèsdje Jubileumprins is van oos 6×11 jaorig bestaon.
Ten 3e Det de sjlager “De Magie van Vastelaovendj” de jubilerendje sjlager is van Prins Roel I.
Ten 4e Det ’t Hoveniersbedrief van Frank van Kerkom gans in de vastelaovesstömming weurtj gebrach mit dees vastelaovesdaag.
Ten 5e Det de familie van Prins Roel I eindelik eine hoagheid höbbe in de familie.
Ten 6e Det de Paersstalzèngers mitte vastelaovendj aeve zónger Prins Roel I mótte zènge.
Ten 7e Det weer de vastelaovesoptoch dit jaor same op ’t Hènge moge óntbènje.
Ten 8e Det de Neet Nette Prinse noe eine nette Pejjer Prins höbbe in Prins Roel I.
Ten 9e Det ’t koar van de Echter Reveu ein tuuenke hoger moog zènge same mit Prins Roel I.
Ten 10e Det weer de vastelaovendj same gaon viere tót aswoonsdig.
Ten 11e Det weer noe gaon aafsjloete ónger mien motto:
“Vastelaovendj Same”
W.G. Vastelaovesvereniging De Aester Sjaelen Uul Pej.