Jeugdprinses Lorena I
Foto: ZIPS fotografie
Moge weer uch väörstèlle, bie de gratie gekaoze door de drie wieze, biegestange door Adjudant Jonas, Vice-vors Stef, Bestuur, leje vanne Raod van èlf en De Pejjer Stars, oos 8ste Hoagheid, Jeugdprinses Lorena I. Óngersteuntj door de muzikale klanke van oos eige ónvolpreze Hofkapel zal ‘t ós mit groate inzat en vol äövergave väörgaon in ’t Vastelaovesjaor 2026.
Jeugdprinses Lorena I,
Ein hoagheid oet ein Prinselikke femilie, wonendj oppe Clarastraot in Pej.
Gebaore op 16 december 2009 es dochter van René en Ilona,
op precies dezelfdje daag es ziene väörgenger en noe adjudant, Jonas I.
Zöster van Naomi, Justin en Laura.
Ieëste Jeugdprinses van Vastelaovesvereniging De Aester Sjaelen Uul.
Zitj in ’t 4dje lieërjaor van ’t Connect College in Ech.
Dansj al vanaaf ’t ieëste oer de sterre van de hemel bie De Pejjer Stars.
Stuitj bie de Echter Revue ech neet boetespel.
Kömtj gaer bie de Appie, mer den waal óm get bie te verdene.
Gek op Milo, Lizzy, Bruno en Mindy.
En doe moogs ‘m wakker make väör sushi.
Ederein dae dit huuertj, leusj, begrepe haetj en ouch haetj good gevónje, Ederein dae dit huuertj, leusj, begrepe haetj en ouch haetj good gevónje,
Ten 1ste Det de Pejjer Vastelaovendj gevierdj weurtj door alles en ederein van Pej, Sjaelberg,‘t Hènge en de Slek, mit óngersteuning vanne ganse Vastelaovesvereniging De Aester Sjaelen Uul.
Ten 2dje Det de ieëste Jeugdprins en Jeugdprinses van oos vereniging oet dezelfdje femilie kómme.
Ten 3dje Det dit ech gein toeval kan zeen.
Ten 4dje Det ’t nao ein 1ste plaats bie de Veldeke declamatie wedstrijd hiëlemaol good kömtj mit plat kalle.
Ten 5dje Det De Pejjer Stars gans in de wolke zeen mit hun Prinses.
Ten 6dje Det Jeugdprinses Lorena I zien nuuj tenue van De Pejjer Stars mer effe in de kas mót hange.
Ten 7dje Det de kamer mit dees daag neet hooftj te waere opgeruumdj.
Ten 8ste Det deze Vastelaovendj weurdj gedansj van ‘smörges vreug tót ‘saoves laat.
Ten 9dje Det Jeugdprinses Lorena I deze Super Sjieke Sjoane Vastelaovendj neet is in te haole.
Ten 10dje Det mit de Vastelaovesdaag noe eine sushi-kraom oppe Clarastraot kömtj te staon.
Ten 11dje Det weer noe hieëlemaol oet de bandj sprènge ónger häör motto:
“Sprèng èns lekker oet de bandj,
en dans mit mich door ‘t Vastelaoveslandj!”