Proclamatie Prins Roger I
Foto: ZIPS fotografie
Moge weer uch väörstèlle, bie de gratie gekaoze door de drie wieze.
Biegestange door: Adjudant Bas, Vors René, Ambassadeur, Bestuur, lede vanne Raod van Èlf, en Hofkapel.
Zoawaor oze 71 ste dooslustige Hoagheid, Prins Roger I,
dae uch mit groate inzat en vol äövergave väör zal gaon in ’t Vastelaovesjaor 2024,
óngersteuntj door de muzikale klanke, van oos eige ónvolpreze Hofkapel.
Prins Roger I,
Waalgebaore Edelachbare Excelensie, mit gevolg ein Majesteit, wonendj oppe Hoagstraot oppe Slek.
Is gebaore op 22 juni 1969 es zoon van Annie Cardinaals en Awd prins Dré I oftewaal Dré dezelfdje.
Is getrouwdj mit Graasboerin Nicole van Neer en höbbe eine zoon Iwan.
Haetj nag 2 zösters, namelik Deborah en Nicole.
Wèrktj al zien ganse laeve in de boew en boewtj noe zien eige “Mancave”.
Is väörzitter van ’t Optochcomité.
Sjutj al bienao 40 jaor mit piel en baog.
Is lid van ’t Broedersjap mit de ónoetspraekelikke naam: Ad Arbitrium Nostrum.
Geitj gaer oet aete of zitj thoes oppe bank mit ein glaas wien en ein kieësplenkske.
En den haetj hae ouch nag tied óm mit de hóndj te wanjele.
Ederein dae dit huuertj, leustj, begrepe haetj en ouch haetj good gevónje,
mót in ‘t belang van eine sjoane Vastelaovendj weite:
Ten 1ste Det de Pejjer Vastelaovendj gevierdj weurtj door de minse van’t Hènge, Sjaelberg, Pej en de Slek, mit óngersteuning vanne ganse Vastelaovesvereniging De Aester Sjaelen Uul.
Ten 2de Det Prins Roger I de witte jas verruuldj haetj väör ein sjoan zwart rokkostuum.
Ten 3de Det Prins Roger I noe zelf ziene eige sjlager kan zènge same mit de anger prinsekandidate.
Ten 4de Det “De Ster” mit de vastelaovesdaag op ein road, gael, greune roas geitj sjete.
Ten 5de Det bie de broeders noe Prins Sebastianus ’t väör ’t zègke haetj.
Ten 6de Det de “mancave” vanaaf noe ein prinsegrot weurtj.
Ten 7de Det de Hanebatse noe eine opperhaan in hun midde höbbe.
Ten 8ste Det Awd Prins Dré dezelfdje nao 6 x 11 – 2 jaor eine opvolger haetj in Prins Roger I.
Ten 9de Det ’t kieësplenkske mit dees daag de keulkas in geitj.
Ten 10de Det weer noe tót aswoonsdig gaas gaon gaeve.
Ten 11de Det ’t fieës noe los barstj ónger mien motto:
“Hie kèntj geer op vertroewe, weer gaon aan eine sjoane vastelaovendj boewe!”
W.G Vastelaovesvereniging de Aester Sjaelen Uul Pey.