Proclamatie Jeugdprins Vinnie I
Moge weer uch väörstèlle, bie de gratie gekaoze door drie wieze van de
jeugdcommissie. Alle Aesters en Aesterlingskes van Sjaelberg, Pej, Slek en
zeker van ’t Hènge biegestange door Adjudant Chris, Prins Bas I,
Adjudant Thibor, Vors René, Ambassadeur, Bestuur, lede vanne Raod van èlf
en de Hofkapel, zoawaor oze 4 dje Jeugdprins, Prins Vinnie I, dae uch mit groate
inzat en vol äövergave väör zal gaon in ’t Vastelaovesjaor 2024, óngersteuntj
door de muzikale klanke van oos eige ónvolpreze Hofkapel.
Jeugdprins Vinnie I,
Gebaore op 29 Oktober 2007 en haetj noe de laeftied van 16 jaor.
Wonendj op de Echterstraot op ’t Hènge.
Is de zoon van Frank en Liesbeth Huisman en is ènnigs kèndj thoes.
Zitj op ’t Mosa-RT in Maaseik en volgtj de opleiding Houttechnieke.
Zitj bie de Scouting Maria Gorretti, is lid van de Reddingsbrigrade en zitj gaer
in de sportsjoal van Feel Good in Ech.
Löstj gaer spareribs, dao kèns se `m altied wakker väör make, det sluitj d’r
zeker neet aaf. In de vrieje tied stuitj d’r bie All In Carwash de auto’s te wasse en verdeentj
dao ein aardig centje bie. Kiktj gaer nao de films van Star Wars en Oppenheimer en loestertj ouch gaer
nao Limburgse meziek van Zenger Rotsjo.
Ederein dae dit huuertj, zal laeze, verstange haetj en good gevónje, det alles volges de regels en in ’t belang van eine sjoane Vastelaovendj, mót weite det:
Ten 1 e Det de Pejjer Vastelaovendj gevierdj weurtj door de minse vanne Slek, Hènge, Sjaelberg en Pej, mit óngersteuning vanne ganse Vastelaovesvereniging De Aester Sjaelen Uul.
Ten 2 e Det ich de 4 dje Jeugdprins moog zeen van vv De Aester Sjaelen Uul.
Ten 3 e Det ich in de vastelaovestied lekker moog genete van ein good
Vastelaovesbuffet.
Ten 4 e Det ich mich nao de vastelaovendj weer lekker kan oetlaeve in de
sportsjoal.
Ten 5 e Det ich bie de Scouting in de vastelaovestied de knuipkes in mekaar
gaon knuipe.
Ten 6 e Det ich ‘t game en films kieke efkes op ein lieëg pitje mót zètte.
Ten 7 e Det bie All in Carwash de vastelaovsmeziek al gedrejdj kan waere.
Ten 8 e Det bie de Reddingsbrigade zónger Jeugdprins Vinnie I niks mieë te
redde is.
Ten 9 e Det ich eine fantastische vastelaovendj moog belaeve mit al mien
vrunj, pap en mam, opa en oma’s.
Ten 10 e Det ich van Jeugd Sprènkhaneprins, noe de Jeugdprins moog zeen
van De Aester Sjaelen Uul.
Ten 11 e Det ich noe gaon aafsloete mit miene spreuk:
“Ich scout, wash, train en red, Mer geneet noe van ‘t Vastelaovesbuffet”
W.G. vastelaovesvereniging De Aester Sjaelen Uul Pej.